Heilsunudd er rosalega góð fyrirbyggjandi meðferð. Alltof margir nota sér nudd sem “björgun” þegar allt er komið í flækju. Þegar allt er komið í óefni er eðli málsins samkvæmt erfiðara að vinna með vandamálið.

Í nútímaþjóðfélagi fullu af stressi og asa erum við stanslaust undir álagi og að safna spennu útum allan líkamann. Þá er nauðsynlegt að gefa sér tíma til að hugsa um líkamann. Hægt er að hugsa um líkamann á mismunandi vegu og mismunandi aðferðir henta ólíku fólki.

Nudd er eitt af því sem hentar mjög mörgum því nudd getur verið svo mismunandi. Þétt, létt, mjúkt, djúpt.

Hreyfing er hlutur sem allir ættu að tileinka sér, á einn eða annan hátt. Hreyfing er ekki eingöngu til að grennast (eins og sumir trúa), heldur -fyrst og fremst- til að styrkja líkamann og auka blóðflæði um vefina. Það er slakandi að hreyfa sig og auðveldar líkamanum að losa sig við úrgangsefni sem orsaka oft á tíðum “vöðvabólgu” og stífleika.

Haustið komið og starfsemin er komin á fljúgandi siglingu eftir sumarið. Ég minni á gjafabréfin sívinsælu. Hvað er notalegra en að fá nudd í jóla- eða afmælisgjöf!! Hafið það sem allra best í vetur.

kveðja,

Helga Dröfn Jónsdóttir Heilsunuddari